Trs party logo

Telangana Rashtra Samithi

telangana talli img

చంద్రబాబు పరమ చెత్తనేత

-బాబుకు విలువలు లేవు.. నీతిలేదు, జాతిలేదు..
-ఇన్ని అబద్ధాలా.. ఆయనది నోరా, తాటిమట్టా?
-రెండు బాకాలు పెట్టుకుని డ్రామాలాడుతావా?
-ఆంధ్ర ప్రజలను ఎంతకాలం మోసం చేస్తావు?
-ఆంధ్రాలో టీడీపీకిఘోర ఓటమి తప్పదు
-బీసీ రిజర్వేషన్లకు అడ్డుపడింది కాంగ్రెస్ పార్టీయే
-కేసులు వేసేది వాళ్లే.. విమర్శించేదీ వాళ్లే
-రిజర్వేషన్లపై సుప్రీం తీర్పును వ్యతిరేకించిన ఏకైక ముఖ్యమంత్రిని నేనే
-కోర్టు ఆదేశాల మేరకే ఆర్డినెన్స్
-బీసీలకు మేం చేసినంతగా ఎవరూ చేయలేదు
-నేను దేశంకోసం ఆలోచిస్తున్నా
-నా ఆర్థిక మోడల్, అగ్రికల్చర్ మోడల్ వేరు
-ఫలితం కోసం తొందరేంలేదు
-ఢిల్లీలో వ్యవసాయ శాస్త్రవేత్తలతో మాట్లాడిన
-ఎన్నికలనాటికి లక్ష్యంలో కొంత చేరుకొంటాం
-పనితీరు ఆధారంగానే మంత్రివర్గం
-అన్నిజిల్లాలకు ప్రాతినిధ్యానికి ప్రయత్నం
-ప్రగతిభవన్‌లో మీడియా సమావేశంలో ముఖ్యమంత్రి కే చంద్రశేఖర్‌రావు


ఏపీ ముఖ్యమంత్రి చంద్రబాబు అంత పరమ చెత్త నాయకుడు దేశంలో ఎవరూ లేరని ముఖ్యమంత్రి కల్వకుంట్ల చంద్రశేఖర్‌రావు అన్నారు. చంద్రబాబు పచ్చి స్వార్థపరుడు, అబద్ధాలకోరు అని, రాజకీయ స్వార్థం కోసం ఏమైనా చేస్తారని విరుచుకుపడ్డారు. నీతి, జాతి లేని చంద్రబాబు స్వయంప్రకాశమున్న నాయకుడు కానేకాడని, తెలివిలేని దద్దమ్మ అని అన్నారు. చంద్రబాబుకు నాలుగు ఇంగ్లిష్ ముక్కలు రావు, రెండు హిందీ ముక్కలు రావు.. జాతీయస్థాయిలో రాజకీయాలు చేస్తాడా? అని ఎద్దేవాచేశారు. జాతీయస్థాయిలో చంద్రబాబు ఎన్నడూ చక్రం తిప్పింది లేదని, డబ్బా పేపర్లు బాబుకు డబ్బా కొడుతున్నాయితప్ప చేసిందేమీలేదని సీఎం కేసీఆర్ పేర్కొన్నారు. ప్రత్యేక హోదా వస్తే ఏమొస్తది.. అవసరమే లేదని మొన్నటిదాకా వాదించి.. ఇప్పుడు హోదా ఇవ్వలేదని అనడానికి చంద్రబాబుకు సిగ్గు, లజ్జ ఉండాలన్నారు. ఐటీలో కూడా చంద్రబాబు పీకిందేమీ లేదని.. సైబర్ టవర్స్‌కు ఆద్యులు దివంగత ప్రధాని రాజీవ్‌గాంధీ, దివంగత ముఖ్యమంత్రి నేదురుమల్లి జనార్దన్‌రెడ్డి అని తెలిపారు. దేశ ప్రయోజనాల కోసం తాను ప్రతిపాదిస్తున్న ఆర్థిక మోడల్, అగ్రికల్చర్ మోడల్‌పై చంద్రబాబుకు కొంచెం కూడా అవగాహన లేదన్నారు. ఫెడరల్ ఫ్రంట్ ఫలితంపై తనకు తొందరేంలేదని, అందుకు సమయం పడుతుందని సీఎం కేసీఆర్ పునరుద్ఘాటించారు. చంద్రబాబులాంటోడితోనే జై తెలంగాణ అనిపించలేదా? అని అన్నారు. దేశ రాజకీయాల్లో గుణాత్మక మార్పు లక్ష్యంగా జాతీయస్థాయిలో ఫెడరల్ యాత్ర చేపట్టి పలువురు నాయకులు, వివిధ రంగాల నిపుణులతో విస్తృతంగా చర్చించి హైదరాబాద్‌కు తిరిగి వచ్చిన ముఖ్యమంత్రి కేసీఆర్ శనివారం ప్రగతిభవన్‌లో మీడియాతో విస్తృతంగా మాట్లాడారు. పంచాయతీ ఎన్నికల్లో బీసీ రిజర్వేషన్లకు సంబంధించి హైకోర్టు ఆదేశాల ప్రకారమే ముందుకుపోతున్నామని, కాంగ్రెస్ పార్టీ కోర్టుకు వెళ్లి అడ్డుకొంటున్నదని చెప్పారు. మంత్రివర్గ విస్తరణకు కసరత్తు జరుగుతున్నదని.. కొన్ని శాఖల విలీనానికి చర్యలు తీసుకొంటున్నామని, ప్రజలకు పథకాలను డెలివరీచేసేవారినే తీసుకొంటామని సీఎం చెప్పారు. ప్రజలు కర్రుకాల్చి వాతపెట్టినా విపక్ష నాయకులకు బుద్ధిరాలేదని ఎద్దేవాచేశారు. రైతుబంధు వంటి పథకాలను దేశం మొత్తం ఫాలో కావడం మంచి పరిణామమని తెలిపారు. ముఖ్యమంత్రి కేసీఆర్ మీడియాతో చేసిన ప్రసంగం ఆయన మాటల్లోనే..

చంద్రబాబంత పరమచెత్త నేత దేశంలో లేరు
చంద్రబాబంత డర్టియస్ట్ పాలిటిషియన్ ఈ దేశంలో ఎవరూ లేరు. కచ్చితంగా ఈ మాట చెప్తున్న. ఏం మాట్లాడుతడు? నవీన్ పట్నాయక్‌ను ఎందుకు కలిసినవు.. మల్లయ్యను ఎందుకు కలిసినవు.. ఎల్లయ్యను ఎందుకు కలిసినవు? అని నన్ను అంటాడు. నేను ఎవరిని కలిస్తే నీకేం అవసరం? నాలుగేండ్లు మోదీ సంక నాకుతవు. మోదీ ఒళ్లో కూర్చుంటవు, అప్పుడు నీవు చెప్తే మోదీకి మేం డబ్బా కొట్టాలి! ఫైన్ మార్నింగ్ నీకు ఏదో ఉల్టా అయితది! రాహుల్ సంక నాకుతవు! మళ్లీ మేమంతా కాంగ్రెస్ వెంబడి రావల్నా? అర్థం ఉందా నీకు? ఏపీ ప్రజలకు చేతులెత్తి మొక్కాలి.. ఈ డర్టీ పొలిటికల్ లీడర్‌ను ఎట్ల భరిస్తున్నారో? ఎన్ని పచ్చి అబద్ధ్దాలు మాట్లాడారండి? చంద్రబాబు అనే వ్యక్తి సిగ్గుపడాలి. నేను స్వయంగా విన్నాను టీవీల్లో.. రాహుల్‌గాంధీ విజయవాడకు వస్తున్నడు అంటే.. మేం ఎందుకు బతికి ఉన్నామని చూడటానికి వస్తున్నాడా? ఏం మొఖం పెట్టుకొని వస్తున్నడు? అని మాట్లాడుతడు. ఇప్పుడు నిన్న మోదీ వస్తాండు అంటే.. ఏం మొఖం పెట్టుకొని వస్తాండు అంటవు. అసలు నీదే మొఖం? ఏ మొఖం పెట్టుకొని రాహుల్‌ను వ్యతిరేకించినవు? ఏం మొఖం పెట్టుకొని మోదీ వెంబడి ఉన్నవు? ఇప్పుడు ఏ మొఖం పెట్టుకొని వ్యతిరేకిస్తున్నవు? నీకో పాలసీ, పద్ధతి ఉన్నదా? మాట మీద నిలబడేతత్వం ఉన్నదా? మనిషిలాగానే మాట్లాడుతున్నవా నీవు? డర్టియస్ట్ పొలిటికల్ లీడర్ ఇన్ ద కంట్రీ. వితవుట్ ఎనీ డౌట్!

చంద్రబాబు పాగల్ హై క్యా?
చంద్రబాబు చాలాసార్లు నా ముందే సిగ్గు తీసుకున్నడు. నీతి ఆయోగ్ మీటింగ్‌ల నరేంద్రమోదీని పొగిడిండు. నా పక్కకు అఖిలేశ్‌యాదవ్ ఇంకా చాలామంది ముఖ్యమంత్రులు ఉన్నరు. మొట్టమొదటిసారి ఒక ముఖ్యమంత్రి ప్రధానమంత్రి అయిండు కాబట్టి. రాష్ర్టాలకు చాలా నిధులు పెంచినారు అన్నడు. నా పక్కనున్నోళ్లు యే పాగల్ హై క్యా ఆద్మీ అన్నరు. మీ దగ్గర నుంచే పీవీ నరసింహారావు సీఎం అయిండు.. పీఎం అయిండు. ఇంకా వీపీ సింగ్, చరణ్‌సింగ్, మొరార్జీదేశాయ్ పీఎం అయిండ్లు. అయినా బాబు ఇట్ల మాట్లాతాడేంది అడ్డగోలుగా.. అంటే ఆయన అట్నే మాట్లాడుతడని చెప్పిన. ఇలాంటి వ్యక్తిని ఇన్ని రోజులు ఎలా భరించినవ్ అని నన్ను అడిగిండ్లు. అలాంటి క్యారక్టర్ ఉన్న మనిషి చంద్రబాబు. ఇవన్నీ జరిగిన సత్యాలు.

నీ లెక్క దిక్కుమాలిన రాజకీయాలు చేయ..
నేను నీలాగ కాదు. ఏదైనా చేయాలంటే ఆత్మవిశ్వాసం కావాలి. నేను తెలంగాణ సాధించినపుడు నాకు ఇద్దరు ఎంపీలు మాత్రమే ఉన్నరు. ఆంధ్రప్రదేశ్ రాజధాని హైదరాబాద్ నుంచి పోతున్న.. తెలంగాణ రాష్ట్రంలనే అడుగుపెడతనని ఢిల్లీకి పోయిన. ఇదంత చరిత్ర. ఎటు పడితె అటు పిచ్చి పిచ్చిగ మాట్లాడే వ్యక్తిని కాదు. దేశంల ఏదైనా చేయాలంటే ఆత్మవిశ్వాసం కావాలి. నీలాంటి చిల్లర రాజకీయాలకోసం నేను బయలుదేరలేదు. నీలాగ చిల్లర భాష కూడా నాకు రాదు. 25 సీట్లు గెలిపియ్యండి.. చక్రం తిప్పుత అన్నవ్. ఇట్ల చక్రాలు తిప్పుతనని నేను ఎప్పుడు చెప్పలె. నీలాగ దిక్కుమాలిన రాజకీయాలు చేయ. నేను మాట్లాడింది.. కాంగ్రెస్, బీజేపీలేని భారతీయ ఫెడరల్ ఫ్రంట్. ఎక్కడపోయినా నేను ఇదే నొక్కి చెప్తున్న. దానికోసం నాయకులను కలుస్తున్న. ప్రజలను కలుస్తున్నం. అన్నీ బయటికి చెప్పం కదా.

నా ఆర్థిక మోడల్‌పై నీకు కనీస జ్ఞానం ఉందా?
మొన్న ప్రముఖ వ్యవసాయ శాస్త్రవేత్తలు, ఆర్థికవేత్తలు ఢిల్లీల నా ఇంటికి వచ్చినరు. నేనే పిలుచుకున్న. హౌ టు క్యారీ ఫార్వర్డ్? అని ఐదారు గంటలు చర్చించినం. నేను ప్రతిపాదించే ఆర్థిక మోడల్ గురించి నీకు కనీస అవగాహన కూడా లేదు. నీకా తెలివితేటలుగానీ, ఓపికగానీ లేవు. అసలు ఆ శక్తే లేదు. నేను ప్రతిపాదించే ఎకనామికల్ మోడల్ గురించి నీకు అవగాహన ఉందా? పచ్చి అబద్ధ్దాలు మాట్లాడుడు.. మేనేజ్ చేసి ఫ్రంట్ పేజీల రాయించుకొనుడు.. ఇది నిజం. రైతుల బాధలు తీర్చేందుకు తెలంగాణల రైతుబంధు పథకం పెట్టిన.. మొత్తం ఇండియా దాన్ని ఫాలో అవుతున్నది. మొత్తం నేషనల్ పేపర్లు ఇది కేసీఆర్ మోడల్ అని రాస్తున్నయి. నేను పెట్టిన మోడల్ నీకు తెలుసా? అవగాహన ఉందా?

తొమ్మిదేండ్లు నీ మేధావితనం ఎక్కడ పోయింది?
ఎప్పుడన్న పేదోళ్ల గురించి ఆలోచించినవా? అండర్ కంపల్షన్.. నేను కల్యాణలక్ష్మి పెడితె కాపీ కొట్టినవు. మా ఇండస్ట్రియల్ పాలసీని కాపీకొట్టినవు. మేం భారత ప్రభుత్వానికి ఫిర్యాదు చేసినం. కాపీకొట్టే తెలివి కూడా లేదు. నఖల్ మార్‌నేకే లియే.. అఖల్ బీ రహ్‌నా.. అది కూడా లేదు. మనదాంట్ల ఒక పదం తప్పు పడ్డది.. వాళ్లు కూడా అట్లనే ఇచ్చిండ్రు. ఈవోడీబీ కాపీ కొడితే.. మేం ఫిర్యాదు ఇచ్చినం. ప్రజల మీద కన్సర్న్ లేదు నీకు. నువ్వు మేధావి అయితే అంతకుముందు తొమ్మిదేండ్లు ఉన్నపుడు కల్యాణలక్ష్మి, రైతుబంధు ఎందుకు పెట్టలేదు? నీ మేధావితనమంతా ఎక్కడ పాయె!

బాకా పేపర్ల వక్రబుద్ధి
ఇయ్యాల తమాషా ఏందంటే నేను మొన్న వైజాగ్ పోయిన. నేను భగవంతుడిని నమ్ముత, యజ్ఞయాగాలు చేస్త. దానివల్ల ఎవరికీ నష్టం లేదు కదా. నరేంద్రమోదీ కూడా అంటే నీకేం అనుమానం? వస్తే నీకు కూడా తీర్థం పెడత అని చెప్పిన. నాకు విశ్వాసం ఉంది కాబట్టి నా డబ్బులతోటి నేను చేస్త. ఎవరికీ ఏం నష్టం అయితలేదు. అక్కడున్న శారదాపీఠం స్వామీజీ వచ్చి నాతో యాగం చేయించి పోయిండ్రు. మీరు తప్పకుండ గెలుస్తున్నరు.. గెలిచిన తర్వాత పీఠానికి రండి, దర్శించుకోండని చెప్పిండ్రు. దాంట్ల కూడా విషయముంది.. ఒట్టిగనే నేను పోలె. నేను రాజశ్యామల యాగంచేసిన. ఆ రాజశ్యామల అమ్మవారి మందిరం వైజాగ్‌ల తప్ప ఎక్కడ లేదు. వేరే ఎక్కడ ఉండవు. శారదాపీఠంలనే ఉంది. అదే యాగం చేసినందున అమ్మవారి దర్శనానికి రమ్మని స్వామీజీ చెప్పినరు. వాస్తవంగా నేను భువనేశ్వర్ పోతుంటె స్వామీజీకి ఫోన్ చేసి ఇట్ల పోతున్న అంటే, ఇక్కడికి రండి భోజనంచేసి అమ్మవారిని దర్శనం చేసుకోండని చెప్తే పోయిన. మార్గమధ్యంలో పోయిన తప్ప వేరే ఉద్దేశంలేదు. నా ఎమ్మటి మైనింగ్ కార్పొరేషన్ చైర్మన్ సుభాష్‌రెడ్డి, ఎమ్మెల్యే ప్రశాంత్‌రెడ్డి ఉన్నరు. విమానాశ్రయంలో అనేక వేల మంది! నేను, నా ఎమ్మటి ఉన్నోళ్లు ఆశ్చర్యపోయినం. విమానాశ్రయం నుంచి ఆశ్రమం వరకు 18-19 కిలోమీటర్లు ఉంటది. నేను పోతుంటె బిల్డింగ్‌ల మీద, బాల్కనీల నుంచి, రోడ్లమీద పని చేసే మున్సిపల్ వర్కర్లు, ఎక్కడోళ్లక్కడ డివైడర్ల మీద ఎక్కి కేరింతలు కొడుతున్నరు. 19 కిలోమీటర్ల మేర వందల, వేల మంది. ఇష్టమున్నోళ్లు ఫ్లెక్సీలు, బ్యానర్లు కట్టినరు. ఆశ్రమం దగ్గర 2-3 వేల మంది వచ్చినరు. జనమొస్తే లీడర్లేం చేస్తరు? వచ్చినందున అభివాదంగా చేతులూపుతం. పోయినం.. దర్శనం చేసుకొని, భోజనం చేసి పోయినం. మరి ఈ బాకా పేపర్లు ఏం రాస్తయి? మీరు చూసిండ్రు కదా.. నేను భువనేశ్వర్‌ల చూసిన. ఒక బాకా పేపరేమో వైకాపా వాళ్లు హడావుడి చేసిండ్రని రాస్తది. ఇంకో బాకా పేపరేమో వెలమ వాళ్ల హడావుడి అని రాస్తది. ఇది నీతా? అంటే వెలమవాళ్లు ఆంధ్రా ప్రజలు కాదా? వాళ్లు స్వాగతం చెప్పకూడదా? ఇంత కుట్రపూరితం.. ఇంత కక్షనా?

చక్రం తిప్పిందిలేదు.. అది డబ్బాపేపర్ల బాకానే
చంద్రబాబు గతంల ఢిల్లీల చక్రం తిప్పింది లేదు.. మన్నులేదు.. అప్పుడు చక్రం తిప్పలె, మన్ను తిప్పలె. ఇక్కడున్నోళ్లు చక్రం తిప్పిండని రాసిండ్రు. అదో పెద్ద ధోకా. చంద్రబాబుకు నాలుగు వచనాలు సక్కగ ఇంగ్లిషు మాట్లాడొస్తదా? రెండు వాక్యాలు హిందీ మాట్లాడొస్తదా? ఎట్ల తిప్పాల ఢిల్లీల చక్రం.. ఒట్టిగ తిప్పుతవా? బట్లర్ ఇంగ్లిషా? జాతీయస్థాయిలో రాజకీయాలు చేయాలంటే ఒట్టిగనే అయితదా? ఇక్కడున్న డబ్బా పేపర్లు.. డబ్బా కొట్టుడు తప్ప అంతా ఒట్టిదే. డొల్ల.. చక్రం లేదు.. తిప్పింది లేదు.. సచ్చింది లేదు. ఏం వచ్చిందీ లేదు. చక్రం బాగా తిప్పితే ఏం వచ్చింది?

బాబుకు ఘోరమైన పరాజయం తప్పదు
నేనొస్తే ప్రజలు ఇంత వెల్‌కం చెప్తుండ్రేందని నేను అక్కడి ప్రజల్ని అడిగిన. వాళ్లు చెప్పిండ్రు.. సార్, మొన్న చంద్రబాబును మీరు పొల్లు పొల్లు కొట్టినందుకు వీళ్లు సంతోషపడుతున్నరు ఇక్కడ అని చెప్పినరు. మా దగ్గర కూడా ఘోరంగ ఓడిస్తం, తెలంగాణల దారుణాతి దారుణమైన ఓటమే మా దగ్గర నాంది ప్రస్తావన అని చెప్పినరు. అక్కడ నాలుగు సీట్లు వస్తే ఇక్కడ పెద్ద బాకాలు ఊదుదురు. మీరు మంచిగ తన్ని పంపించినరు సార్ అన్నరు. ప్రజలల్ల కనిపించిన ఉత్సాహం అది. దానికి ఈ బాకాలు చేసే వక్రీకరణ ఏంది? ఇదిగో ఇది. ఈ ప్రచారాల మీద, ఈ డొల్ల ప్రచారాల మీద అల్లి బతికినవు బిడ్డా ఇక జరుగదు. రిటర్న్ గిఫ్టు రాబోతున్నది జాగ్రత్త. చాలా అద్భుతంగ ఉంటది. ఎట్టి పరిస్థితుల్లో ఈసారి చంద్రబాబు ఓటమి తప్పదు. ఆంధ్రరాష్ట్ర ప్రజలు దారుణంగ తిరస్కరిస్తరు.

చంద్రబాబు నోటికి మొక్కాలె
చంద్రబాబు నోటికి మొక్కాలె. రాష్ట్రం విడిపోయి ఐదేండ్లు అయింది. అది మళ్లీ రివర్స్ కాదు. మెడకాయ మీద తలకాయ ఉన్న ఏ సీఎం అయినా వాళ్ల ప్రజలకు ఇబ్బంది కలుగకుండా హైకోర్టు అక్కడికి మార్చుకోవాలె. ఐదేండ్లు గడిచిపోతున్నది. అడ్డగోలు విభజన అంటడు చంద్రబాబు. దీనికి ఏమైనా అర్థం ఉన్నదా? చంద్రబాబుకు ఏమైనా మెదడు ఉన్నట్లా? ఏది పడితే అది మాట్లాడితే చెల్లదు. ఆయన మాట్లాడిన అడ్డమైనవాటిని రాయడానికి ఒకటి రెండు పేపర్లు ఉన్నయి. ప్రతిరోజు డబ్బా కొడుతున్నయి. రెండు తెలుగు రాష్ట్రాల్లో డ్రామా అయిపోయింది. చంద్రబాబు మాట్లాడేదానికి అర్థంపర్థం ఉన్నదా? చంద్రబాబు ముఖ్యమంత్రి కదా? బాధ్యత గల వ్యక్తి కదా? ఆంధ్రప్రదేశ్ ప్రభుత్వమే డిసెంబర్ నాటికి వెళ్లిపోతం, ప్రత్యేక హైకోర్టుకు సిద్ధంగా ఉన్నామని సుప్రీంకోర్టులో అఫిడవిట్ ఫైల్ చేసింది. మేం (తెలంగాణ ప్రభుత్వం) కూడా అఫిడవిట్ ఫైల్ చేసినం. ఏపీ వాళ్లు వెళ్లిపోవాల్సిన అవసరం లేదు. ఇక్కడే ఉండొచ్చు.. ఈ కోర్టులోనే రెండు కోర్టులను నడిపించుకుందామని చెప్పినం. కోర్టులు మాత్రం వేరు చేయండని అఫిడవిట్ ఫైల్ చేసినం. ఏపీ ప్రభుత్వం ఇచ్చిన ఆ అఫిడవిట్ ఆధారంగా జనవరి 1 నుంచి రెండు కోర్టులు పనిచేస్తాయని సుప్రీంకోర్టు తీర్పు ఇచ్చింది. సుప్రీంకోర్టు తీర్పు కదా అమలుచేయాలి, లేకపోతే రాజ్యాంగం బ్రేక్‌డౌన్ అయితది. కేంద్రం దగ్గర వేరే ఉపాయంలేదు. అమలుచేయాల్సిందే. అమలుచేయడానికి రాష్ట్రపతి నోటిఫై చేయాలి. దానికో పద్ధతి ఉన్నది. దాన్ని కేంద్రం ఫాలో అయింది. డిసెంబర్ వరకు పోతాం అన్న చంద్రబాబు కోర్టు హాల్స్ ఎందుకు తయారుచేయలేదు? ఎందుకు అఫిడవిట్ వేసినావు? ఎవరి మీద పెడుతున్నవు బద్నాం? హడావుడిగా విభజించారా? సుప్రీంకోర్టులో అఫిడవిట్ వేసినవు కదా? ఇంకా హడావుడి ఎక్కడిది? కోర్టులను విభజించింది కేంద్రం కాదు. సుప్రీంకోర్టు. దానిని నోటిఫై చేసింది కేంద్రం. సుప్రీంకోర్టు తీర్పులో ఏముందో అదే నోటిఫై చేసింది. కేంద్రం మీద ఎట్ల ఆరోపణ పెడుతవు? నీవు చెప్పింది ఈస్టుమన్ కలర్ల రాసే పేపర్లు ఉన్నయని చేస్తావా డ్రామా? హైకోర్టు విభజనపై సుప్రీంకోర్టు తీర్పు వచ్చి 45 రోజులైంది. ఇప్పటిదాక ఎక్కడ పడుకున్నావు? సుప్రీంకోర్టు తీర్పును ఎవరైనా ఫ్రాడ్ చేస్త్తరా? ఆ కోర్టు కంటే పెద్ద కోర్టులు ఉన్నయా? ఆ తీర్పులు మార్పు చేయాలంటే రాజ్యాంగ సవరణ చేయాలి. జనవరి 1 నుంచి పోవాలని తెలియదా? సీఎంవి కాదా? నీకు చెప్పడానికి సీఎస్, సెక్రటరీ ఎవరూ లేరా? హడావుడి ఎట్ల అయితది. ఎన్ని రోజులు మభ్యపెడుతావు?

ఏపీ ప్రజలను మోసంచేస్తున్న బాబు
చంద్రబాబు ఇస్తున్న ప్రకటనలు చూసి నేను పరేషాన్ అయ్యాను. ఎంత దుర్మార్గుడు ఈ చంద్రబాబు అనుకున్న. పాపం ఏపీ ప్రజలను మోసంచేస్తున్నడని మిత్రులతో కూడా అన్నాను. నిజంగా బాధ కలిగేలా ఉన్నాయి ఆ ప్రకటనలోని వివరాలు. 56 లక్షల చదరపు అడుగుల్లో సచివాలయమట. 12 లక్షల 16 వేల చదరపు అడుగుల్లో అసెంబ్లీ అట. సమావేశాలు జరిగేవే ఏడాదికి యాభైరోజులు. గోల్‌మాల్ లెక్క ఉన్నదని చెప్పిన. ప్రస్తుతం మన సెక్రటేరియట్ విస్తీర్ణం పది లక్షల చదరపు అడుగులు. యాభై ఏండ్లపాటు ఉమ్మడి రాష్ట్రపాలన అక్కడ నుంచే సాగింది. మాకు బైసన్‌పోలో గ్రౌండ్ ఇస్తే మేము కడుదామనుకున్న అధునాతనమైన సెక్రటేరియట్‌కు రూ.250 కోట్లు అవుతుందని అంచనావేసినం. మిగతావాటికి ఇంకో రూ.250 కోట్లు వేసుకున్నా మొత్తం రూ.500 కోట్ల లోపలే సెక్రటేరియట్, అసెంబ్లీ, కళాభారతి మూడూ పూర్తవుతాయి.

చంద్రబాబు పచ్చి అబద్ధాలకోరు
రాజధాని నిర్మాణం కోసం కేంద్రప్రభుత్వం రూ.1500 కోట్లు ఇచ్చింది. హైకోర్టు కట్టుకోవడానికి రూ.500 కోట్లు సాయం అందించింది. కాని కేంద్రం ఏం ఇవ్వలేదని చంద్రబాబు మాట్లాడుతున్నాడు. చంద్రబాబు పచ్చి అబద్ధాలకోరు. ఏం ఇవ్వలేదంటున్నావు.. ఏంచేశావు కేంద్రం ఇచ్చిన సొమ్మును. మింగేసినవా.. నాకేసినవా? సీఎంగా ఉంటూ ఎట్ల మాట్లాడతావు కేంద్రం ఇవ్వలేదని? ఎంత ధైర్యం ఉంటే ఇన్ని అబద్ధాలు మాట్లాడుతావు? ఆంధ్రప్రదేశ్‌లో ప్రతిపక్షాలు సరిగ్గ మాట్లాడటం లేదు. మేము తగులుకుంటం ఇక మీదట చూడు.

ఉత్తమ్‌కుమార్‌రెడ్డి నాదాన్ దుష్మన్
ఉత్తమ్ కుమార్‌రెడ్డికి మెదడు ఉన్నదా? మాట్లాడటానికి. నేను ముందే చెప్పిన ఆయన నాదాన్ దుష్మన్ అని. ఉత్తమ్‌కుమార్‌రెడ్డి మోస్ట్ సెన్స్‌లెస్ లీడర్. పీసీసీ ప్రెసిడెంట్ అయి ఉండి ఇంత చెత్త మాటలు మాట్లాడుతడా?. ఇట్ల మాట్లాడుతే ఇడియట్ అనరా? ఇది మూర్ఖత్వం కాదా? మీరు మూడు రాష్ర్టాల్లో గెలిచినారు. అక్కడ కూడా ట్యాంపరింగ్ చేసి గెలిచిండ్లా మరి? మాట్లాడుతే అర్థం పర్థం ఉండాలె. ఈ విధంగా మాట్లాడితే ప్రజలు ఏమనుకుంటున్నారు? ప్రజలే మీకు కర్రు కాల్చివాత పెట్టిండ్రు.. మీరు సొల్లు మాట్లాడితే! ఇప్పటికైనా బుద్ధి తెచ్చుకోవాలె. ట్యాంపరింగ్ చేసి గెలిచిండ్రు అంటే.. ప్రజలను అగౌరవపర్చడం కాదా? ప్రజాస్వామ్యాన్ని కించపర్చడం కాదా? దానికి ఒక సిస్టం ఉన్నది కదా. బ్రహ్మాండంగా కౌంటింగ్ ఏజెంట్లను పెట్టిరి. అప్పుడు ఏం చేసిండ్లు? ఎన్నికల తెల్లారి కూడా మేమే గెలుస్తం అంటిరి. మూడు రాష్ర్టాల్లో గెలిచిన విషయమేమో అంగీకారం. అక్కడ బాకాలూదాలె. ఇక్కడ ట్యాంపరింగ్ చేశామా? ఓటమిని అంగీకరించేంత ధీరత్వం లేనోడు నాయకుడు అయితడా? మేం ఓడిపోలేదా? మా మినిస్టర్లు ఓడిపోలేదా? జూపల్లి కృష్ణారావు, మహేందర్డ్డ్రి, చందూలాల్, తుమ్మల నాగేశ్వర్‌రావు ఓడిపోయిన్రు. అంగీకరించాలె. మా వాళ్లది లోపం ఉన్నది. నేను మొదటి రోజే చెప్పిన. ఖమ్మంలో మా వాళ్లు దుర్మార్గం చేసుకుని ఒకరినొకరు ఓడించుకున్నరని. ఎవరి లోపమైనా తప్పది. కొన్ని జరుగుతయ్ అంగీకరించాలె. ట్యాంపరింగ్ చేసేదుంటే తుమ్మల నాగేశ్వర్‌రావును ఓడగొట్టుకుంటమా? మొన్నటి ఎన్నికల్లో కాంగ్రెస్‌వాళ్లు నోటికి వచ్చినట్లు అబద్ధపు ప్రచారంచేశారు. ఆచరణ సాధ్యం కాని హామీలు ఇచ్చారు. అయినా ప్రజలు వారిని తిరస్కరించారు. వాళ్లు రెండు లక్షల రుణమాఫీ అంటే మేము లక్ష రుణమాఫీ అన్నాము. అయినా ప్రజలు మాకే మద్దతు తెలిపారు. ఇంతకంటే ఇంకేం కావాలి? వాళ్లు చెప్పేది అంతా సొల్లు అని వాళ్లకే తెలియడంలేదు. అందుకే నాదాన్ దుష్మన్ అంటాం. ఎన్నికలు అయిపోగానే ట్యాంపరింగ్ జరిగిందని మొదలుపెడితే బేవకూఫీ అనుకోరా. ఎన్నికల సమయంలో ఎన్నో చెప్తారు. చంద్రబాబు అయితే డ్వాక్రారుణాలు అని మోసంచేశాడు. పెద్ద దోఖాభాజ్.. వందశాతం అన్ని రుణాలు మాఫీచేస్తాం అన్నడు. కాని చేయలే. రూ.15వేల కోట్లతో ఎలాంటి లోన్లు లేకుండా మంచి క్వాలిటీతో డబుల్ బెడ్‌రూం ఇండ్లు నిర్మిస్తున్నాం. దీనికి కొంత సమయం పడుతుందని ప్రజలకు బహిరంగంగా చెప్పాను. వారు ఒప్పుకొని గెలిపించారు.

చంద్రబాబూ.. నువ్వు పచ్చి స్వార్థపరుడివి
రాజకీయంగా చూస్తే చంద్రబాబు పరిస్థితి ఘోరం. ప్రత్యేక హోదా అవసరమే లేదని ఎవరు వాదించారు? చంద్రబాబే కదా వాదించింది. ఏపీకి హోదా వద్దని నువ్వే అంటవు. హోదా కావాలని నువ్వే అంటవు. ఏది నమ్మాలి? హోదా అన్నోణ్ణి జైళ్ల ఏస్తనన్నడు. హోదా సంజీవని కాదు.. అదే అంతా చేయదు. హిమాచల్‌ప్రదేశ్‌కు ఇచ్చిండ్రు ఏమైంది? అని మాట్లాడిండు. ఏది కరెక్టు? అసలు నువ్వు ఫర్ హోదానా? యాంటీ హోదానా? నువ్వు ఏదీ కాదు.. నువ్వు ఫర్ చంద్రబాబు.. నువ్వు పచ్చి స్వార్థపరుడివి. నీ రాజకీయ స్వార్థంకోసం దేన్నైనా బలి తీసుకుంటవు. ఎంతకైనా దిగజారుతవు. నీకో విలువ లేదు.. నీతి లేదు జాతి లేదు.

మామ పెట్టిన పార్టీని లాక్కున్నవ్
నేను ఎవరికి మేలు చేస్తే నీకేమైంది? మరి నువ్వు మేలు చేసినపుడు ఏమైంది? నాలుగేండ్లు మోదీ సంకనాకినవు కదా. అప్పుడేమైంది? నేను మేలు చేస్తనా.. కీడు చేస్తనా.. అదంత వేస్టు సంగతి. నువ్వు అడ్డం పొడవు.. తాటిమట్టలాంటి నాలుకను పెట్టుకొని మాట్లాడి.. నాలుగేండ్లు సపోర్టు చేసినపుడు నీ నీతి ఏమైంది? నీ దగ్గర సమాధానం ఉన్నదా? నువ్వు దద్దమ్మవు. నీకు తెలివి లేదు. నీకు ధైర్యం లేదు. కల్పన లేదు. స్వయంప్రకాశం ఉన్న వ్యక్తివి కాదు. నీ మామ పెట్టిన పార్టీని లాక్కొని.. దాన్ని పట్టుకొని నడిపేటటువంటి వ్యక్తివి. యుఆర్ నాట్ ఏ లీడర్.. యు ఆర్ ఏ మేనేజర్. చంద్రబాబు పార్టీ లాంటి పార్టీ మాది కాదు. ఆయన లెక్క అంత దిక్కుమాలినతనంగా ఆలోచించం. ఒక సిద్ధాం తం, పద్ధతి అనుకున్నప్పుడు వంద శాతం దాని ప్రాతిపదిక ఏర్పడాలె. ఏం పనిచేసినా ప్రజలకు లాభం చేయాలె. మేం తయారుచేసిన ఎజెండాను వేరే పార్టీలు అందుకోవాలె. అలాంటి ఎజెండాను తయారుచేస్తం. మా ఎజెండా చెప్పినం. కానీ మేం ఇంకా బయటకు రాలేదు. మా ఎకనామిక్ మోడల్, అగ్రికల్చర్ మోడల్ చెప్పలేదు. ఈ కేంద్రం పెత్తనంపై ఒక రాజకీయ ఒత్తిడి పెంచుతం. దానిద్వారా రైతులకు లాభం జరుగుతది. ఎందుకంటున్నం రైతుబంధు పథకమని? రైతుబంధు పథకాన్ని మొన్ననే జార్ఖండ్ వాళ్లు వచ్చి చూసిపోయినారు. మన చీఫ్ సెక్రటరీకి రోజూ పది ఫోన్లు వస్తున్నయ్. కేంద్రం తీవ్రంగా ఆలోచిస్తున్నదని అనేక పేపర్లలో వార్తలు వచ్చినయ్. త్వరలోనే కేంద్రం కూడా ప్రకటించబోతున్నది. సంతోషం కదా! మనం చేసిన స్కీం వల్ల దేశ రైతాంగానికి లాభం జరుగుతుంది. అంతకన్నా ఏం కావాలె.

హైదరాబాద్ ఐటీ వెనుక కథ ఇది
ఐటీకి కూడా చంద్రబాబు పీకింది ఏం లేదు. నాకు సత్యం తెలుసు గనుక చెప్తున్న. అప్పుడు ఇవన్నీ లేవు. అప్పుడు కొన్ని ప్రముఖమైన కంపెనీలు బాగా ఎస్టాబ్లిష్ అయినయి. బ్యాకప్ మెకానిజం.. డిజాస్టర్ మేనేజ్‌మెంట్ మెకానిజం.. అని రెండు ఉంటయి. ఉదాహరణకు మనం ఏదో పరిశోధన చేసి మంచిది కనిపెట్టినం. భూకంపం వచ్చినా, ప్రకృతి వైపరీత్యం వచ్చినా ఇది డిస్ట్రాయ్ కావద్దు. అలా కాకుండా ఉండేందుకు ప్రపంచంలో సేఫ్ జోన్ (సురక్షిత జోన్) ఎక్కడైతే ఉంటదో అక్కడ పెడతరు. దాన్ని బ్యాకప్ మెకానిజం అంటరు. ఐబీఎంలాంటి పెద్ద సంస్థలు అప్పుడు భారత ప్రధానిగా ఉన్న రాజీవ్‌గాంధీని కలిసిండ్రు. వాళ్ల వాళ్ల పరిజ్ఞానం ద్వారా ప్రపంచమంతా విచారణచేసి భూకంపాలు అతి తక్కువ వచ్చే ప్రాంతమేదో తెలుసుకున్నరు. హైదరాబాద్ అనేది దక్కన్ పీఠభూమి కాబట్టి భూకంపాలు అతి తక్కువ వస్తయి, సముద్రతీరం లేదు కాబట్టి భయంకరమైన తుఫాన్లు రావు. వాతావరణ పరిస్థితులు కూడా చాలా అనుకూలంగా ఉంటయని తెలుసుకుని హైదరాబాద్‌ను వాళ్లు ఎంపిక చేసుకున్నరు. రాజీవ్‌గాంధీ కూడా ఎంపిక చేయలె. మీ దేశంలో హైదరాబాద్ అనే సిటీ ఉంది. అక్కడ మా డిజాస్టర్ మేనేజ్‌మెంట్ మెకానిజం, సర్వర్లు పెట్టుకుంటమని రాజీవ్‌గాంధీని కోరినరు. మాకు అనుమతి ఇప్పించమని కోరినరు. అప్పుడు ఇక్కడ ఎన్ జనార్దన్‌రెడ్డి సీఎంగా ఉన్నరు. రాజీవ్‌గాంధీ ఆయన్ని ఢిల్లీకి పిలిపించి, అంతర్జాతీయ ఐటీ కంపెనీలు అడుగుతున్నయి. ఇది మంచి అవకాశం, మీ దగ్గర అవి ఏర్పాటు చేసుకోండి, మీ దగ్గర ఐటీ పెరుగుతది, దీన్నో అవకాశంగ తీసుకొని పెట్టుకోమని చెప్పినరు. అప్పుడు ఎన్ జనార్దన్‌రెడ్డి ఇప్పుడున్న సైబర్ టవర్స్‌కు శంకుస్థాపన చేసినరు. అంతేకాని చంద్రబాబు కాదు. ఇది నిజం. ఇగ ఆయన బాకాలు టీవీలల్ల దాన్ని చూపించి, అది ఆయనే కట్టినట్టు! హైదరాబాద్ నేనే కట్టినని ఆయన చెప్పడం, ప్రజలు నమ్మేటట్టుఇవి బాకాలూదడం.. ఇది కదా నడిచిన చరిత్ర. హైదరాబాద్ సిటీ స్వాభావిక, భౌగోళిక అనుకూలతల వల్ల ఐటీ రావడం ప్రారంభమైంది. దాన్ని అతి గొప్పగ నేనే తెచ్చిన అని డబ్బా కొట్టుకొని, మార్కెటింగ్ చేసుకున్నోడు చంద్రబాబు. ఇయ్యాల మేం అంత డబ్బా కొట్టుకున్నమా? మా ప్రభుత్వంల ప్రపంచంలోనే ఐదు అతి పెద్ద కంపెనీలు హైదరాబాద్‌కు తెచ్చుకున్నం. నేనుగానీ ఐటీ మంత్రి రామారావు కావచ్చు సందర్భాన్ని, అవసరాన్ని బట్టి రెండు మాటలు చెప్పినం. అంతే. తర్వాత మరో రెండు కంపెనీలు రావాలని అట్ల చెప్తం. కానీ రోజూ మా బొమ్మ పెట్టుకొని బాకా కొట్టుకోవడమో.. మాకు అనుకూలంగ టీవీలు అవే చూపించడమో.. ఆ డబ్బాలు మేం కొట్టం. రాష్ర్టానికి డబ్బా కొడతం. బయటికి పోతే దేశానికి డబ్బా కొడతం. లేనివి ఆపాదించుకొని, రంగులు పూసుకొని బిడ్డా ఎన్ని రోజులు చేస్తవు?

MAKE A DONATION NOW

Every contribution you make can make a difference.

Please contribute generously to the TRS Party.